Quen somos?

Cambia de Bando é unha iniciativa da Federación Galega de Municipios e Provincias (FEGAMP) que nace co obxectivo de promover a igualdade de xénero e loitar contra o machismo a través da sensibilización e a educación. Dirixido á mocidade, busca poñer en cuestión estereotipos, prexuízos e condutas normalizadas que perpetúan a desigualdade, convidando a reflexionar e a dar un paso ao cambio.

A través de accións interactivas, recursos educativos e ferramentas innovadoras, Cambia de Bando fomenta a conciencia crítica e ofrece claves para construír unha sociedade máis igualitaria e libre de violencias machistas. Porque xa é tempo de que a vergoña cambie de bando.